| 原來又2個幾月冇寫 Xanga, 不過今次係第一天同女朋友去旅行, 一定要記錄低! 我地今次去日本5日, 包括東京同埋東京近郊! 我地選擇凌晨機去晚機番, 玩盡佢! 9月4日(Day 1) 吉祥寺(三鷹博物館) + 原宿 其實我地係9月3日晚去機場搭12:35am 機, 我地都有擔心過係飛機上訓唔到,結果真係訓唔到, 零碎咁訓佐2,3個鐘, 去到日本羽田機場係5:30am 左右, 在機上4:30左右已經看到天亮了! 真是美麗呢! 落機後馬上坐shuttle巴士轉車到火車站, 快速地去酒店再繼續行程! 我都係第一次去羽田機場, 要花d時間搵下點坐車, 點轉車, 總算冇問題, 我去品川的lawson 換三鷹博物館入場券, 不過唔知點搞, 問個職員, 不過佢都唔係好知, 搞佐十幾分鐘, 佢好努力咁幫我, 我都有d唔好意思, 之後我地去到酒店差不多8:00了, 放低行李, 馬上去井之頭公園同埋三鷹博物館, 呢個係我地其中一個最想去ge 地方, 因為bb 超鍾意龍貓, 我覺得都好靚, 不過比預期中細, 佢就去過一次 ga la, 不過最失望係d 精品冇咩特別, 冇d 限定, 不過影下相都唔錯! 因為井之頭公園係我同bb 之前一齊睇ge 日劇last friend 入面d 景, 所以好有feel 呢! 之後我地就去原宿行街, 不過因為之前係吉祥寺都花佐一d 時間, 去到原宿都4點幾, 不過BB 提醒我未買JR Pass, 因為朝早係品川見到有得買, 但係未開門, 諗住係第2度買, 我係吉祥寺問, 佢話要係新宿涉谷先有得買, 咁去到新宿問, 又話要出閘, 個人話係,原宿都有得買, 點知去到原宿又話新宿先有,激死! 同埋通常呢d 好早關門, 所以唯有早d 行完去新宿買, 免得影響第2日行程, 因為ticket office 要9:00am 先開, 我打算7:30am 出發! 去到新宿, 我叫bb 唔好出閘, 費時浪費車費, 點知我都俾人點來點去先買到, 買到的時候已經7:30pm, 個刻真係有d 擔心bb一個人有冇問題, 之後我地回池袋食飯同埋酒店 check in, 我地食佐個魚生飯定食, 都幾好味呀! 第一日好tired 呢, 好彩酒店房都唔錯, 幾大, 係TV 細d, 不過ok la, 都好少時間睇, 不過最麻煩係上網要..... charge, 唯有唔上網! Day 2 (輕井澤) 由於時間不多而且想盡量去多d地方,所以我plan 日日都7:30am左右出發, 幸好bb都起到身, 所以非常順利! 我地一早就坐車去大宮轉新幹線去輕井澤, 我都係第一次去,一落車就feel 到非常清涼舒服都空氣, 原來只得17度, 勁正, 舒服死! 哈哈! 去到發現有好多特產, 結果bb D 手信好多都係係度買, 最出名就係果醬, 不過我冇買到, 我地一開始就行一陣outlet, 個outlet 真係幾靚而且大, 可以行半日! 而且周圍環境好靚, 天氣又good, 所以我地都好鍾意呢度! 我地今次重點去舊輕井澤森之美術館, 我地係裡面影佐好多立體相, 好正! d 朋友個個都話正, 好得意! 不過好彩用阿哥部靚相機影, 如果唔係d 相就差好多啦! 影完之後行下小街, 食下雪糕. 好舒服! 不過因為由新幹線站行去舊輕井澤森之美術館都好遠, 而且中午有d 熱, 所以最後選擇坐巴士, 再行一陣outlet 我都先去食飯, 可能因為係星期六, 所以都好多人, 而且好多都係一家大細行, 好溫馨呢! 我同BB都係outlet 買佐唔少野, 我主要買 t-shirt, bb 就唔同類型都有, 因為好多都平過hk 同出面, 好滿足咁坐車番去lu, 不過我同bb都想再黎! 夜晚番池袋食居酒屋, 點知裡而有幾個中國人, 我可以用普通話點野食, 哈哈! 意想不到! Day 3 (川越 + 大宮 + 台場) 今日又係一早起身去川越, 去到 ge 時侯, 我發覺有d唔識路, 不過我睇住個地圖, 我向要去ge時之鐘方向行, 不過好似行極都搵唔到d 地標, 之後我就問下d 路人, 原來發覺行錯少少, 之後立即更正方向, 行佐都差不多30mins, 再check 下地圖原來已經差不多到, 行一陣已經搵到啦, 好開心啦, 但係已經非常tired 了, 再行一陣已經搵到菓子街, 裡面搵到好多以前細細個食個d 糖, 口哨BB 糖, 爆炸糖之類, 好懷念呢! 之後回程試下第2條路, 雖然都可以番到車站, 不過已經非常tired! 之後回到大宮去鐵路博物館, 去之前我地去搵d 快餐食, 因為之前搵路都已經超出我個預算時間, 我地搵到間 first kitchen, 我都係第一次食, 估唔到都幾好食, 尤其係個明太子薯條, 好似shake shake 薯條咁有明太子係上面, 好味! 之後就搭車去鐵路博物館, 我以為唔係有免費shuttle train, 原來係要俾$, 只係個名叫Shuttle train, ><! 去到見到好多唔同類型火車, 好靚呀, 可惜係唔明白佢d 解說, 去到室外原來可以有得玩揸小型火車, 不過要先預約, 因為我地冇預約而且full 佐, 冇得玩, 我地都好失望呀! 都怪我冇事前冇check 清楚啦! 不過都可以坐mini 新幹線, 都幾得意呀! 另外我可以有得玩好似電車Go ge 遊戲ga, 不過時間唔夠, 我地仲要去台場呢! 我覺得呢度幾好玩呀! 跟住我地再係大宮坐新幹線去東京, 去地方街搵鬆弛bear 專門店, 嘩!好多鬆弛bear, 而且好靚 tim,仲好多人! 買完野之後我地馬上出發去台場, 我地坐單軌到車去, 竟然見到個高達仲未拆, 我地一落車即時去潮風公園影高達, 真係好正, 不過隻腳已經圍佐板, 準備拆, 不過我已經好滿足, 因為一心諗住冇得睇, 總算見到! 之後我地繼續影日本橋同埋自由神像, 好靚呢, 影完之後就去佐行商場, 而且都買佐d 野tim! 不過好可惜又係有d 冇我size! 行到夜晚我地係台場食麵, 估唔到又有中國人侍應, 佢仲好好咁 serve 我地, 仲要同我地傾計, 食完野之後番酒店, 我地隻腳tired 到拐拐下行番酒店! Day 4 (鎌倉 + 江之島 + 橫濱) 我地一早先去鎌倉，係池袋上電車個時已經勁多人，過多一個站個時，已經好逼但係ｄ 人仲夾硬上車，逼到傻，我第一次感受到, 我地係完全不過動，轉彎停車個時，ｄ人左搖右擺，個情境勁搞笑，不過都好辛苦! 我地好難得見到咁ge 情境，都幾值得，好彩只係維持佐２個車站，之後已經冇咩人仲可以任坐，因為我地去海邊地區，冇咩人去! 去到鎌倉見到龍貓店，不過未開門，但係我地見到ｄ職員係度清理緊，所以我地去佐食個西式早餐，都幾好味，尤其係個多士! 之後等佢開門，我地買佐ｄ龍貓手信!買完之後我地馬上坐江之電電車去湘南海岸同江之島，個湘南海岸好靚呢，一望冇際ge 大海，真係好耐冇見過呢! 架電車仲係海邊經過呢，好正! 跟住我地就去佐橫濱的bayside outlet, 同輕井澤比較真係細好多，而且冇咩野買，仲有環境都冇輕井澤咁靚，好彩搵到之前輕井澤買唔到的nike 風褸，仲要係last one, 太好了! 買完野我地好趕咁去橫濱，去到見到個好大的摩天輪，好靚，原來個度有個樂園，有機動遊戲玩呢! 而且係個度商場入面有間addidas shop, 我想去睇下有冇之前係台場冇我siz 件螻，點知呢度連個款都冇， 有ｄ失望呢!而且個度有間H&M，有件jacket 好靚，又係冇我size, 可惜呢! 之後我地係咁行連飯都未食，行到去紅磚倉庫，好靚呢，而且旁邊有個海邊仲要對住條橋，又係好靚呢! 行完之後我地去佐食Mc Donald，因為我地張JR Pass last day, 所以決定再去原宿買head porter 袋, 所以好快食完就去原宿了，去到原宿，一落車就好快步速咁去head porter， 因為驚佢close 佐，買完之後去埋H&M, 睇下有冇我之前睇中的jacket, 今次個size 仲細過之前係橫濱H&M的!><, 行完我地去佐一間叫Forever 21, 佢勁似H&M, 好似抄人咁，而且都係好平，可惜見唔到有岩我ge 野，之後番佐池袋食居酒屋，今次呢間好食過之前呢，食完我地就要番酒店執野lu, 真係有ｄ唔捨得呢! Day 5 (上野 ＋ 池袋) 今日係今次日本之旅最後一日，好唔捨得，不過時間有限同埋張JR Pass 已經用完，所以只係去上野一個地方，而且因為BB之前冇去過上野，所以集中係上野同去池袋行，基本上日日都早出晚歸，所以都冇行過池袋! 今日要行下池袋先得! 因為我地今日主要去上野，所以唔太早出發，訓多少少休息多ｄ，我地要先check out, 因為酒店要10:00check out, 我地check out 完之後就寄存行李係酒店! 我地先去上野恩賜公園，因為公園會早ｄ開，唔需要等佢開門，裡面有個上野動物園，不過我地太tired, 所以冇入去動物員，只係係門口影下相，之後我地去佐行玩具糊品店(Yamashiroya)，呢間玩具店基本上我每次出差都會去，因為我地通常係上野轉車去機場，不過我覺得好似冇咩新野啦，可能去得太密啦! 之後去行阿美橫行街，我地叫佢做上野女人街，裡面好多舖，不過我成日覺得好多都係假野，所以只係去二木之菓子買零食，可能因為批發關係，裡面ｄ零食都平過外面! 行完之後就去0101 逛下，行下裡面間無印，之後我帶佐BB去我之前去過 ge 一間傳統日式餐廳，裡面都係ｄ婆婆公公做侍應，裡面的炸豬扒定食好味呢，又唔係貴! 食完飯我地再行下相機舖就番池袋!我地去到池袋先行下東武，不過裡面冇咩野睇，我之前都冇去過，所以去行下，點知有ｄ失望! 行完就去Hello Kitty Gift gate睇玉桂狗，因為要買野俾阿妹，好彩最後都買到! 當時已經好tired 了，我地去完買化妝品就回sunshine city 了，行佐一陣sunshine city 就回酒店攞行李去機場了! 我地走個時係大概4:45pm, 所以可以避開rush hour, 不過去到品川轉車都好多人，去到機場個時我都唔知係邊個terminal, 之後我地坐shuttle bus 去international terminal, 終於搵到個check in counter check in, 大概6:45pm 左右到, 因為個度太細，我地都直接入閘了! 我地係裡面坐佐個幾鐘(8:00pm) 就上機了! 好想快ｄ再同BB去日本呢! 好enjoy! 回到香港已經11:30pm了，不過我肚仔有ｄ唔舒服，所以去洗手間，出黎個時冇哂人，我地快速咁去過關，去到巴士站，原來尾車係12:10am, 我地個時已經12:09am, 我地極速推ｄ行李去巴士站，我見架車未走，我馬上跑過去截住佢，個司機話: "夠哂鐘，快ｄ呀，開車啦", 個時BB推緊ｄ行李來，我馬上去幫手拿行李推上車，總算趕到，估唔到最後都要趕，今次旅程係有ｄtired, 不過我覺得好開心好enjoy! 我要快ｄ再同BB 去日本! |
